सर्वोत्तम सिमेन्टको आइपीओ शुक्रबार बाँडफाँट हुने

सर्वोत्तम सिमेन्टको आइपीओ शुक्रबार बाँडफाँट हुने भएको छ ।

बिक्री प्रबन्धक ग्लोबल आइएमई क्यापिटलका अनुसार सर्वोत्तम सिमेन्ट कम्पनीको अनुरोधमा आइपीओ शुक्रबार बाँडफाँट हुने भएको हो । यसअघि बिक्री प्रबन्धक ग्लोबल आइएमई क्यापिटलले आइपीओ बिहीबार बाँडफाँट निर्णय गरेको थियो ।

आइपीओको प्री–अलोटमेन्ट आइतबार सम्पन्न भएको छ । आइपीओमा मागभन्दा १९.३२ गुणा बढी आवेदन परेको छ । यसमा १० लाख १२ हजार ३८४ जनाले कुल ५ करोड ३६ लाख ३३ हजार ९९० कित्ताका लागि आवेदन दिएका छन् । जसमा ५५ हजार ५२१ जनाले मात्र सेयर हात पार्नेछन् ।

सर्वोत्तमले पहिलो पटक बुक बिल्डिङमार्फत सर्वसाधारणलाई फागुन १३ गतेदेखि गतेसम्म कुल २७ लाख ७६ हजार ७६ कित्ता आइपीओ निष्कासन तथा बिक्री खुला गरेको थियो ।