प्रभु बैंकको संस्थापक सेयर बिक्रीमा

प्रभु बैंक लिमिटेडको संस्थापक सेयर बिक्रीमा आएको छ । बैंकले ८४ हजार १४४ कित्ता संस्थापक सेयर बिक्रीमा ल्याएको हो ।

सेयर खरिद गर्न इच्छुक जो कोही व्यक्ति वा संस्थाले १५ दिन भित्र यस बैंकको केन्द्रीय कार्यालय बवरमहल, काठमाडौंमा निवेदन पेश गर्नु पर्नेछ ।

यसअघि बैंकका विद्यमान संस्थापकहरुलाई सेयर बिक्री खुला गर्दा आवेदन नपरेको हुनाले बैंकले यस पटक अन्य लगानीकर्ताले पनि आवेदन दिन मिल्ने व्यवस्था गरिदिएको हो ।