एकैदिन १९ सय रुपैयाँले बढ्यो सुनको मूल्य

काठमाडौं । नेपाली बजारमा आज सुनको मूल्य बढेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १९ सय रुपैयाँले बढेर १ लाख ४४ हजार ७०० रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोलाको १ लाख ४४ हजार रुपैयाँ कायम भएको छ ।

महासंघका अनुसार आज चाँदीको मूल्य पनि तोलामा २५ रुपैयाँले बढेर १८ सय ६५ रुपैयाँमा किनबेच भइरहेको छ । बिहीबार चाँदी प्रतितोला १८ सय ४० रुपैयाँमा कारोबार भएको थियो ।