सुनचाँदीको मूल्य घट्यो, तोलाको कति ?

काठमाडौँ । नेपाली बजारमा आज सुनको मूल्य घटेको छ ।

नेपाल सुनचाँदी व्यवसायी महासंघका अनुसार शुक्रबार छापावाल सुन प्रतितोला ३०० रुपैयाँले घटेर १ लाख ४४ हजार ७०० रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोला १ लाख ४४ हजार रुपैयाँ कायम भएको छ ।

महासंघका अनुसार आज चाँदीको मूल्य पनि तोलामा २० रुपैयाँले घटेर १७ सय ३० रुपैयाँ कायम भएको छ । बिहीबार चाँदी प्रतितोला १७ सय ५० रुपैयाँमा कारोबार भएको थियो ।