सुनको मूल्य स्थिर, चाँदी बढ्यो

काठमाडौं । नेपाली बजारमा आज सुनको मूल्य स्थिर रहेको छ ।

नेपाल सुनचाँदी व्यवसायी महासंघका अनुसार आज छापावाल सुनको १ लाख ५२ हजार ३०० रुपैयाँमा कारोबार भइरहेको छ । सोमबार पनि छापावाल सुन सोही मूल्यमा कारोबार भएको थियो ।

आज चाँदीको मूल्य भने तोलामा १० रुपैयाँले बढेर १८ सय ५० रुपैयाँ कायम भएको छ । सोमबार चाँदीको प्रतितोला १८ सय ४० रुपैयाँमा किनबेच भएको थियो ।

अन्तर्राष्ट्रिय बजारमा आज सुन प्रतिऔंस २ हजार ५०७ र चाँदी प्रतिऔंस २९.८८ डलरमा कारोबार भइरहेको छ ।