प्रतितोला ८ सय रुपैयाँले घट्यो सुनको मूल्य

काठमाडौं । नेपाली बजारमा आज सुनको मूल्य ८ सय रुपैयाँले घटेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला ८ सय रुपैयाँले घटेर १ लाख ५५ हजार ६०० रुपैयाँमा कारोबार भइरहेको छ ।

आज चाँदीको मूल्य पनि तोलामा १० रुपैयाँले घटेर तोलाको १८ सय ८० रुपैयाँमा किनबेच भइरहेको छ । बुधबार चाँदी प्रतितोला १८ सय ९० रुपैयाँमा कारोबार भएको थियो ।

अन्तर्राष्ट्रिय बजारमा आज सुन प्रतिऔंस २ हजार ६६२.५२ र चाँदी प्रतिऔंस ३०.४४ डलरमा कारोबार भइरहेको छ ।