काठमाडौँ । इकोन प्रथम प्रिसिडेन्ट कप इन्टर एसोसिएशन फुटसल प्रतियोगीता २०८१ सम्पन्न भएको छ ।
निर्यात परिषद् नेपालद्धारा आयोजीत इकोन प्रथम प्रिसिडेन्ट कपमा १० संघ-संंस्थाका सदस्यहरुले भाग लिएका थिए ।
सो फुटसल प्रतियोगीतामा नेपाल तयारी पोशाक उद्योग संघ प्रथम हुन सफल भएको छ भने द्वितियमा काठमाडौँ उद्योग वाणिज्य संघ र तृतियमा नेपाल चेम्बर अफ कमर्श रहेको छ ।
फुटसल प्रतियोगीतामा प्रथम, द्वितिय र तृतिय हुनेलाई क्रमश: ५० हजार, ३० हजार र २० हजार नगद पुरस्कारसहित सिल्ड र प्रशंसापत्र प्रदान गरिएको परिषद्ले जनाएको छ ।
बिहिबार महाराजगञ्जस्थित डुकु फुटसल हबमा सम्पन्न सो प्रतियोगीतामा नेपाल तयारी पोशाक उद्योग संघ, काठमाडौँ उद्योग वाणिज्य संघ, नेपाल चेम्बर अफ कमर्श, नेपाल कार्पेट उद्योग संघ, हस्तकला महासंघ, हातेकागज उत्पादक संघ, फेल्ट उद्योग संघ, नेपाल फ्रेड फवार्डस एसोसिएशन, नेपाल पश्मिना उद्योग संघ लगाएको सहभागीता रहेको थियो ।
प्रतिक्रिया