नेपाल हस्पिटालिटी कन्क्लेभ सुरु, व्यवसायी उत्साहित

काठमाडौं । नेपाल हस्पिटालिटी कन्क्लेभको दोस्रो संस्करण विहीबारबाट काठमाडौंमा सुरु भएको छ । 

नेपाली आतिथ्यता क्षेत्रको विकास एवं प्रवद्र्धनको उद्देश्यले आयोजना सम्मेलन भोलि शुक्रबारसम्म काठमाडौं बुढानीलकण्डस्थित लेमोन ट्रि प्रिमियर होटलमा सञ्चालन हुनेछ । 

सोही क्रममा होटल एसोसिएसन अफ नेपाल (हान) का अध्यक्ष विनायक शाहले नेपालले आजको अवस्थासम्म आउँदा धेरै चुनौतीहरुको सामना गर्नुपरे पनि अहिले अवस्था सुधार हुदैँ गएको बताए । 

उनले २०२३ मा धेरै नै पर्यटकहरुलाई नेपाल भित्राउन सफल भएको र यो वर्ष पनि सात लाख पर्यटकलाई भित्राउन सफल भइसकेको भन्दै यसले सुधार हुदैँ गएको अवस्थालाई देखाउने बताए ।

उनले भने, ‘आज यहाँ आएर हाम्रो यात्रालाई हेर्ने हो भने हामीले हासिल गरेको कुरा र सिकेका कुराहरुलाई याद राख्न आवश्यक छ । नेपालले आजको अवस्थासम्म आउँदा धेरै चुनौतीहरुको सामना गर्नुपरेको छ । राजनीतिक अस्थिरता, प्राकृतिक विपद्, विश्वव्यापी महामारी सबैको सामना गर्नुपरेको छ । जसले गर्दा पर्यटकीय क्षेत्रमा धेरै प्रभाव परेको छ । तर अझै बलियो भएर अगाडि बढेका छौ । २०२३ मा धेरै नै पर्यटकहरुलाई नेपाल भित्राउन सफल भएका छौ । यो वर्ष पनि सात लाख पर्यटकलाई भित्राउन सफल भइसकेका छौ । यसले हाम्रो सुधार हुदैँ गएको अवस्थालाई देखाउँछ ।’ 

हान १९६६ मा स्थापित भएको हो । यसले देशभरका पाँच हजारभन्दा पनि बढि होटलहरुको प्रतिनिधित्व गर्छ । 

हानमा विभिन्न स्टारको होटल, बुटिक, रिसोर्टहरुको साथै देशभरका ५ हजारभन्दा पनि बढि होटलहरुको आबद्ध रहेको भन्दै देशभर रोजगारी सिर्जना गर्न सकेकोमा गर्व महशुस भएको पनि उनको भनाई छ । 

सम्मेलनमा नेपालमा समसामयिक उद्योग मुद्दाहरू, नवप्रवर्तन, प्रवृत्तिहरू, व्यापार सफलताहरू, सहकार्य र आतिथ्य व्यापार प्रवृत्तिहरूको बारेमा छलफल र विचारविमर्श गरिने छ । 

दुई दिनसम्म हस्पिटालिटी उद्योगको सम्पूर्ण वर्गका सरोकारवालाहरूलाई एकै ठाउँमा ल्याउने आयोजकको उद्देश्य छ । जसले लगानीकर्ता, सञ्चालक, व्यवसायी, सेवा प्रदायक, वित्तीय परामर्शदाता, नीति निर्माता, प्रभावकारिता, व्यवस्थापन भूमिकामा रहेका युवाहरू र आपूर्तिकर्ताहरूको प्रतिनिधित्व गर्नेछ । 

यसको साथै, सम्मेलनले टेक्नोलोजीमा बढ्दो निर्भरता, प्रशिक्षित मानव संसाधनको अभाव र संकुचित तल्लो रेखाहरूमा, यो उद्योगमा क्रस सेक्शनल सरोकारवालाहरूका लागि विचार, रणनीतिहरू, उदीयमान प्रवृत्तिहरू र रणनीतिहरू सिक्न र आदानप्रदान गर्न एक लचिलो बनाउने प्लेटफर्म बन्ने आशा गरिएको छ । 

होटल संघ नेपालसँगको सहकार्यमा बिनस्टक एसिया नेपाल, वाटरकम र नेपाल ट्राभलरको संयुक्त रूपमा आयोजना हुन गइरहेको नेपाल हस्पिटालिटी कन्क्लेभले आतिथ्यता क्षेत्रसँग सम्बन्धित ज्ञान, सिप, रणनीति तथा विचारहरूको आदानप्रदानको लागि साझा मञ्च प्रदान गर्ने हुनाले पनि होटल तथा आतिथ्यता व्यवसाय एवं समग्र उद्योगको बारेमा बुझाई र भोगाई सँगै आगामी दिनमा अगाडि बढ्न यो कार्यक्रम अति नै उपलब्धिमूलक हुने पनि संघले जनाएको छ ।