तीन दिनसम्म अधिकतम मूल्यमा हवाई टिकट बिक्री नगर्ने संघको निर्णय

काठमाडौँ । वायुसेवा कम्पनीहरुले अधिकतम मूल्यमा हवाई टिकट बिक्री नगर्ने भएका छन् । वायुसेवा सञ्चालक संघको बैठकले आगामी तीन दिनसम्म नागरिक उड्डयन प्राधिकरणले तोकेको भाडाको तल्लो विन्दुमै रहेर टिकट बेच्ने निर्णय गरेको हो ।

बाढीपहिरोका कारण सडक अवरुद्ध भएको बेला हवाई सेवामा भाडा बढेसँगै चौतर्फी विरोध भएपछि वायुसेवा कम्पनीहरुले आगामी तीन दिनसम्म भाडा नबढाउने निर्णय गरेका हुन् ।

यसअघि दशैं नजिकिएसँगै हवाईसेवा कम्पनीहरुले क्यानले तोकेको माथिल्लो विन्दुको भाडा लिएर टिकट बिक्री गर्दै आएका थिए ।

यस्तै, संघले आफ्नो सेवा बापत सरकारलाई इन्धन, विमानस्थल शुल्क, ल्याण्डिङ र पार्किङलगायतको शुल्क घटाउन माग गरेको छ ।