थाई एसिया एयरलाइन्सद्वारा भैरहवा-बैङ्कक उडान सुरु

भैरहवा । थाई एसिया एयरलाइन्सले बैङ्कक–भैरहवा–बैङ्कक उडान सुरु गरेको छ । सोमबार विहान ६:५५ बजे थाई एसियाको एयरबस ए-३२० विमान चालक दलका सात सदस्यसहित गौतमबुद्ध अन्तर्राष्ट्रिय विमानस्थलमा अवतरण गरेको थियो ।

विमानस्थलका सूचना अधिकारी विनोदसिंह राउतका अनुसार थाई एसिया एयरलाइन्सल २३ कात्तिकदेखि सातामा २ पटक नियमित उडान भर्ने छ । भैरहवाबाट बैङ्ककतर्फ एकतर्फी भाडादर १२ हजार रुपैयाँ रहेको छ ।