एकैदिन २४ सय रुपैयाँले घट्यो सुनको मूल्य

काठमाडौं । नेपाली बजारमा आज सुनको मूल्य घटेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला २४ सय रुपैयाँले घटेर १ लाख ६२ हजार ६०० रुपैयाँमा कारोबार भइरहेको छ ।

त्यस्तै, आज चाँदीको मूल्य पनि तोलामा ३० रुपैयाँले घटेर १९ सय २५ रुपैयाँ कायम भएको छ ।

अन्तर्राष्ट्रिय बजारमा आज सुन प्रतिऔंस २ हजार ६१७.९६ डलर र चाँदी प्रतिऔंस ३०.५९ डलरमा कारोबार भइरहेको छ ।