सर्वोत्तम सिमेन्टको नाफ २४ करोड १४ लाख

काठमाडौं । सर्वोत्तम सिमेन्ट लिमिटेडले चालु आर्थिक वर्षको दोस्रो त्रैमासमा २४ करोड १४ लाख रुपैयाँ खुद नाफा कमाएको छ ।

गत वर्षको यसै अवधिको तुलनामा कम्पनीको नाफा ६८९.२४ प्रतिशतले बढी हो । गत वर्ष कम्पनीले ३ करोड ५ लाख नाफा कमाएको थियो ।


त्यस्तै, कम्पनीको सञ्चालन आम्दानी बढेर ३ अर्ब ९८ करोड २२ लाख रुपैयाँ पुगेको छ भने वित्तीय खर्च घटेर १५ करोड ६२ लाख रुपैयाँ कायम भएको छ । आम्दानी बढ्दा र वित्तीय खर्च घट्दा नाफा बढेको हो ।

४ अर्ब ९७ करोड ५५ लाख रुपैयाँ चुक्ता पुँजी रहेको यस कम्पनीको अदर इक्विटीमा ३ अर्ब ९७ करोड जम्मा छ । इपीएस ९.७ रुपैयाँ रहेको छ । प्रतिसेयर नेटवर्थ १८६.६६ रुपैयाँ छ ।