काठमाडौं ।
अन्ततः प्रमुख प्रतिपक्षी दल एमाले विभाजन भएको छ । बुधबार राष्ट्रपति विद्यादेवी भण्डारीले दल विभाजनसम्बन्धी अध्यादेश जारी गरेसँगै माधवकुमार नेपाल समूहले नयाँ दल गठनका लागि निर्वाचन आयोगमा निवेदन दिएको छ ।
नेपाल समूहले नयाँ पार्टीको नाम ‘नेकपा एमाले समाजवादी’ राख्ने भएको छ भने चुनाव चिन्ह कलम राख्ने बताइएको छ । नयाँ पार्टीको अध्यक्ष माधवकुमार नेपाल स्वयंम छन् भने वरिष्ठ नेता झलनाथ खनाल छन् । स्रोतका अनुसार एमालेको केन्द्रीय कमिटीका ५८ जनाले दल दर्ताका लागि निवेदन दिएका छन् ।
त्यस्तै, स्रोतका अनुसार युवराज ज्ञवाली, भीम रावल र अष्टलक्ष्मी शाक्यले नेता नेपालको साथ छोडेका छन् भने घनश्याम भुसाल, गोकर्ण विष्ट, योगेश भट्टराई र भीम आचार्य, सुरेन्द्र पाण्ड र अमृत बोहरा नयाँ दलमा नजाने भएका छन् ।
प्रतिक्रिया