सुनचाँदीको मूल्यमा गिरावट

नेपाली बजारमा आज सुनको मूल्य घटेको छ ।

नेपाल सनचाँदी व्यवसायी महासंघका अनुसार आज सुन प्रतितोला ८ सय रुपैयाँले घटेर ९३ हजार ८ सयमा कारोबार भइरहेको छ ।

बिहिबार छापावाल सुन प्रतितोला ९४ हजार ६ सय रुपैयाँमा कारोबार थियो । यस्तै, तेजावी सुनको मूल्य प्रतितोला ९३ हजार ३ सय रुपैयाँ कायम गरिएको छ ।

महासंघका अनुसार आज चाँदीको मूल्य प्रतितोला १ हजार १ सय ४५ रुपैयाँ कायम भएको छ। बिहिबार प्रतितोला १ हजार १ सय ८० रुपैयाँमा कारोबार भएको चाँदी आज ३० रुपैयाँले घटेको हो।