एकैदिन एक हजार रुपैयाँले घट्यो सुनको मूल्य

नेपाल बजारमा आज सुनको मूल्य एक हजार रुपैयाँले घटेको छ ।

नेपाल सुनचाँदी व्यवसायी महासंघका अनुसार आज सुन प्रतितोला १ हजार रुपैयाँले घटेसँगै ९३ हजार रुपैयाँमा कारोबार भइरहेको छ । त्यस्तै, तेजाबी सुनको मूल्य प्रतितोला ९२ हजार ५०० रुपैयाँ तोकिएको छ ।

बुधबार छापावाल सुनको प्रतितोला ९४ हजार रुपैयाँ र तेजाबी सुनको प्रतितोला ९३ हजार ५०० रुपैयाँमा कारोबार भएको थियो ।

महासंघका अनुसार आज चाँदीको मूल्य पनि प्रतितोला १० रुपैयाँले घटेको छ । आज चाँदी १० रुपैयाँले घटेर ११ सय ५५ रुपैयाँमा कारोबार भइरहेको छ ।