बढ्यो सुनचाँदीको मूल्य, तोलाको कति ?

नेपाली बजारमा आज सुनचाँदीको मूल्य वृद्धि भएको छ ।

नेपाल सुनचाँदी व्यवसायी महासंघका अनुसार आज सुन तोलामा ६०० रुपैयाँले बढेको छ । आज छापावाल सुन प्रतितोला ६ सय रुपैयाँले बढेसँगै ९६ हजार ९०० रुपैयाँमा कारोबार भएको छ ।

यस्तै, चाँदी पनि प्रतितोला ३५ रुपैयाँले बढेको छ । सोमबार प्रतितोलाको एक हजार २०५ रुपैयाँमा कारोबार भएको चाँदी आज ३५ रुपैयाँले बढेसँगै एक हजार २४० रुपैयाँमा कारोबार भइरहेको छ ।