भारतीय आयल करर्पोरेशनले पुन पेट्रोलियम पदार्थको मूल्य बढाएर पठाएको छ ।
नेपाल आयल निगमका अनुसार बुधबार प्राप्त नयाँ मूल्यसूचीमा पेट्रोल प्रतिलिटरमा ६१ पैसा, डिजेल ५ रुपैयाँ ७६ पैसा, मट्टितेल ४ रुपैयाँ एक पैसा र हवाई इन्धन ४ रुपैयाँ ७७ पैसाले बढेर आएको छ ।
पेट्रोलियम पदार्थको मूल्य बढेर आए पनि निगमलाई भने १५ दिनमा १८ करोड रुपैयाँ नाफा हुने देखिएको छ ।
बिहिबार निगमले एक विज्ञप्ति जारी गर्दै नाफा हुन देखिए पनि भारतीय आयल कर्पोरेसनलाई तिर्नु पर्ने बक्यौता र सरकारी ऋणका कारण तत्काल उपभोक्ता मूल्य भने घटाउन नसक्ने बाध्यत्मक अवस्थामा रहेको जनाएको छ ।
२९ अर्ब १३ करोड रुपैयाँ ऋण रहेको जनाउँदै निगमले तत्काल मूल्य समायोजन गर्न सक्ने अवस्था नरहेको बताएको हाे ।
प्रतिक्रिया