तोलामा एक हजार रुपैयाँले बढ्यो सुनको मूल्य

शुक्रबार सुनको मुल्य ह्वात्तै बढेको छ ।

नेपाल सुनचाँदी व्यवसायी महासंघका अनुसार आज सुन प्रतितोला एक हजार रुपैयाँले बढेको छ । बिहिबार प्रतितोला ९८ हजार एक सय रुपैयाँमा कारोबार भएको सुन आज एक हजार रुपैयाँले बढेसँगै ९९ हजार १ सय रुपैयाँमा कारोबार भइरहेको छ ।

महासंघका अनुसार आज चाँदीको मूल्य पनि १५ रुपैयाँले बढेको छ । हिजो तोलामा ४० रुपैयाँले बढेर एक हजार ३३० रुपैयाँमा कारोबार भएको चाँदी आज एक हजार ३४५ रुपैयाँमा किनबेच भइरहेको छ ।