फेरि बढ्यो सुनचाँदीको मूल्य, तोलाको कति ?

नेपाली बजारमा आज सुनचाँदीको मूल्य वृद्धि भएको छ ।

नेपाल सुनचाँद्यी व्यवसायी महासंघका अनुसार बिहीबार छापावाल सुन तोलामा ३ सय रूपैयाँ बढेर एक लाख एक हजार ५ सय रूपैयाँमा कारोबार भइरहेको छ । बुधबार छापावाल सुन तोलामा ८ सय रूपैयाँ बढेर एक लाख १२ सय रूपैयाँमा कारोबार भएको थियो । त्यस्तै, तेजाबी सुनको मूल्य प्रतितोला एक लाख एक हजार रूपैयाँ कायम भएको छ ।

महासंघका अनुसार आज चाँदीको मूल्य तोलामा ५ रूपैयाँ बढेर १ हजार ४ सय ५ रूपैयाँमा किनबेच भइरहेको छ ।