घट्यो हवाई भाडा, कुन रुटमा कति ?

हवाई इन्धनको मूल्य घटेसँगै हवाई भाडा पनि घटेको छ ।

नेपाल आयल निगमले आन्तरिक हवाई इन्धनको मूल्य घटाएपछि वायुसेवा सञ्चालक संघले पनि पुस २७ गतेदेखि लागू हुने गरी हवाई भाडा घटाएको हो । निगमले आइतबार राति १२ बजेदेखि लागू हुने गरी आन्तरिक हवाई इन्धनको मूल्य प्रतिलिटर २० रुपैयाँले घटाएको थियो ।

नयाँ हवाई भाडादर अनुसार सबैभन्दा धेरै काठमाडौं–धनगढी रुटमा ८८५ रुपैयाँ घटेको छ। यस्तै, काठमाडौं–सिमरा रुटमा सबैभन्दा कम १८० रुपैयाँ घटेको छ ।

काठमाडौँबाट हुने पर्वतीय उडान (माउन्टेन्ट फ्लाइट)मा रु छ सय ८५ भाडा घटेर अधिकतम रु १४ हजार दुई सय पाँच कायम भएको छ ।

त्यस्तै काठमाडौँ–भद्रपुरमा रु छ सय, काठमाडौँ–विराटनगरमा रु चार सय ८५, काठमाडौँ–जनकपुरमा रु दुई सय ६०, काठमाडौँ–भरतपुरमा रु दुई सय १५ र काठमाडौँ–पोखरामा रु तीन सय २० भाडा घटेको छ ।