कालिन्चोक दर्शनको आइपीओ बाँडफाँट भएको छ ।
गोलाप्रथामार्फत भएको बाँडफाँडमा ८९ हजार ६४० जनाले १० कित्ताका दरले सेयर हात पारेका छन् । आइपीओ कुल १४ लाख ७३ हजार ९६९ आवेदन परेको थियो । जसमध्ये ८ हजार २०६ जनाको आवेदन रद्द भएको थियो ।
कम्पनीले माघ ३ गतेदेखि माघ ६ गतेसम्म सर्वसाधारणका लागि १० करोड ८० लाख रुपैयाँ बराबरको १० लाख ८० हजार कित्ता आइपीओ जारी गरेको थियो । जसमध्ये १० प्रतिशत अर्थात् १ लाख ८ हजार कित्ता वैदेशिक रोजगारीमा रहेका नेपालीहरुका लागि निष्कासन भइसकेको छ । यस्तै, ५ प्रतिशत अर्थात् ५४ हजार कित्ता सामुहिक लगानी कोष र २ प्रतिशत अर्थात् २१ हजार ६०० कित्ता सेयर कर्मचारीहरुका लागि छुट्याइएको थियो । बाँकी ८ लाख ९६ हजार ४०० कित्ता सर्वसाधारणलाई बिक्री खुला गरेको हो । यसमा बिक्री प्रबन्धकको काम नबिल इन्भेष्टमेन्ट बैंकिङले गरेको हो ।
प्रतिक्रिया