भुटानी शरणार्थी प्रकरण: रायमाझीलाई ३ दिन हिरासतमा राख्न अनुमति

नक्कली भुटानी शरणार्थी प्रकरणमा नेकपा एमालेका नेता टोपबहादुर रायमाझीलाई प्रहरीले अनुसन्धानका लागि ३ दिन हिरासतमा राख्न अनुमति पाएको छ । जिल्ला अदालत काठमाडौंका न्यायाधीश केशवप्रसाद अधिकारीको इजलासले रायमाझीलाई ३ दिन हिरासतमा राख्न अनुमति दिएको हो ।

शरणर्थी प्रकरण आफ्नो नाम बाहिरिएसँगै गुमनाम रहेका रायमाझी आइतबार राति बूढानीलकण्ठबाट पक्राउ परेका थिए । पक्राउ परेका रायमाझीलाई प्रहरीले सोमबार म्याद थपका लागि जिल्ला अदालत काठमाडौंमा उपस्थित गराएको थियो ।

नक्कली भुटानी शरणार्थी प्रकरणमा मुछिएपछि रायमाझीलाई पक्राउ गर्न २० वैशाखमा पक्राउ पुर्जी जारी भएको थियो ।