आईएमई लाइफ इन्स्योरेन्सको ब्राण्ड एम्बेसडरमा दिपक र दिपा

काठमाडौं । आईएमई लाइफ इन्स्योरेन्सको ब्राण्ड एम्बेसडरमा कलाकार दिपकराज गिरि र दिपा श्री निरौला नियुक्त भएका छन् ।

२०८० साल माघ १२ गते शुक्रबारको दिन पोखरास्थित कुटी रेसोर्टमा आयोजित अभिकर्ता तालिम कार्यक्रमका बीच दिपकराज गिरि, दिपाश्री निरौला र आईएमई लाइफ इन्स्योरेन्सका प्रमुख कार्यकारी अधिकृत कवि फुयाल बीच सम्झौता पत्रमा हस्ताक्षर भएको हो।

सम्झौता पश्चात इन्स्योरेन्स कम्पनीका प्रमुख कार्यकारी अधिकृतले कम्पनीका प्रचार–प्रसार, विभिन्न क्रियाकलापहरुमा सहभागी भई इन्स्योरेन्स कम्पनीको पहिचान तथा साख वृद्धि लगायत बीमा सचेतनामा ब्राण्ड एम्बेसडरहरुको महत्वपूर्ण भूमिका हुने कुरामा आफु विश्वस्त रहेको बताए।

साथै, नवनियुक्त ब्राण्ड एम्बेसडर दिपक राज गिरि र दिपा श्री निरौलाले आईएमई लाइफ इन्सोरेन्स कम्पनीसंग आबद्ध हुन पाएकोमा गौरव महशुस गरेको बताए।