घट्यो सुनको मूल्य, चाँदीको बढ्यो

नेपाली बजारमा आज सुनको मूल्य ४ सय रुपैयाँले घटेको छ ।

नेपाल सुनचाँदी व्यवसायी महासंघका अनुसार आइतबार छापावाल सुन प्रतितोला ४०० रुपैयाँले घटेर १ लाख २५ हजार रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोला १ लाख २४ हजार ४०० रुपैयाँ कायम भएको छ ।

महासंघका अनुसार आज चाँदीको मूल्य भने तोलामा १५ रुपैयाँले बढेर १५ सय ३० रुपैयाँमा किनबेच भइरहेको छ । शुक्रबार चाँदी प्रतितोला १५ सय १५ रुपैयाँमा कारोबार भएको थियो ।

अन्तर्राष्ट्रिय बजारमा आज सुन प्रतिऔंस २ हजार १५६.०६ डलर र चाँदी प्रतिऔंस २५.१८ डलरमा कारोबार भइरहेको छ ।