सुनको मूल्य स्थिर, चाँदीको घट्यो

नेपाली बजारमा आज सुनको मूल्य स्थिर रहेको छ ।

नेपाल सुनचाँदी व्यवसायी महासंघका अनुसार आज सुन प्रतितोला १ लाख २५ हजार २०० रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोला १ लाख २४ हजार ६०० रुपैयाँ कायम भएको छ । मंगलबार पनि सुन सोही मूल्यमा कारोबार भएको थियो ।

आज चाँदीको मूल्य भने प्रतितोला ५ रुपैयाँले घटेर १५ सय २० रुपैयाँमा किनबेच भइरहेको छ । मंगलबार चाँदी प्रतितोला १५ सय २५ रुपैयाँमा कारोबार भएको थियो ।