प्रतितोला ४ सयले बढ्यो सुनको मूल्य

नेपाली बजारमा आज सुनको मूल्य ४ सय रुपैयाँले बढेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख २६ हजार ८०० रुपैयाँमा कारोबार भइरहेको छ। त्यस्तै, आज तेजावी सुनको मूल्य प्रतितोला १ लाख २६ हजार २०० रुपैयाँ कायम भएको छ ।

महासंघका अनुसार आज चाँदीको मूल्य भने प्रतितोला १५ रुपैयाँले घटेर १४ सय ९० रुपैयाँमा किनबेच भइहरेको छ ।

अन्तर्राष्ट्रिय बजारमा आज सुन प्रतिऔंस २ हजार १७७.९८ डलर र चाँदी प्रतिऔंस २४.४४ डलरमा कारोबार भइरहेको छ ।