प्रतितोला १३ सय रुपैयाँले घट्यो सुनको मूल्य

नेपाली बजारमा आज सुनको मूल्य घटेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १३ सय रुपैयाँले घटेर १ लाख ३२ हजार ७०० रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोला १ लाख ३२ हजार ५० रुपैयाँ कायम भएको छ ।

आज चाँदीको मूल्य पनि प्रतितोला ३५ रुपैयाँले घटेर १६ सय १५ रुपैयाँ कायम भएको छ । बिहीबार चाँदी प्रतितोला १६ सय ५० रुपैयाँमा कारोबार भएको थियो ।

अन्तर्राष्ट्रिय बजारमा आज सुन प्रतिऔंस २ हजार २७८.९१ डलर र चाँदी प्रतिऔंस २६.५५ डलरमा कारोबार भइरहेको छ ।