सुनको मूल्य स्थिर, चाँदीको बढ्यो

नेपाली बजारमा आज सुनको मूल्य स्थिर रहेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ३९ हजार ३०० रुपैयाँमा कारोबार भइरहेको छ । त्यस्तै, तेजावी सुनको मूल्य पनि प्रतितोला १ लाख ३८ हजार ६५० रुपैयाँ कायम रहेको छ ।

आज चाँदीको मुल्य भने तोलामा २० रुपैयाँले बढेर १७ सय ४० रुपैयाँमा किनबेच भइरहेको छ । यसअघि शुक्रबार चाँदी प्रतितोला १७ सय २० रुपैयाँमा कारोबार भएको थियो ।

अन्तर्राष्ट्रिय बजारमा आज सुन प्रतिऔंस २ हजार ३९०.७५ डलर र चाँदी प्रतिऔंस २८.६७ डलरमा कारोबार भइरहेको छ ।