एकैदिन २७ सयले घट्यो सुनको मूल्य, तोलाको कति ?

काठमाडौँ । नेपाली बजारमा आज सुनको मूल्य २७ सय रुपैयाँले घटेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला २७ सय रुपैयाँले घटेर १ लाख ३५ हजार ५०० रुपैयाँमा कारोबार भइरहेको छ । त्यस्तै, तेजावी सुनको मूल्य पनि प्रतितोला १ लाख ३४ हजार ८५० रुपैयाँ कायम भएको छ ।

महासंघका अनुसार आज चाँदीको मूल्य पनि प्रतितोला ४५ रुपैयाँले घटेर १६ सय ६० रुपैयाँमा किनबेच भइरहेको छ । सोमबार चाँदी प्रतितोला १७ सय ५ रुपैयाँमा कारोबार भएको थियो ।

अन्तर्राष्ट्रिय बजारमा आज सुन प्रतिऔंस २ हजार ३०५ डलर र चाँदी प्रतिऔंस २६.९८ डलरमा कारोबार भइरहेको छ ।