सुनको मूल्य स्थिर, चाँदीको घट्यो

काठमाडौँ । मंगलबार सुनको मूल्य स्थिर रहेको छ ।

नेपाल सुनचाँदी व्यवसायी महासंघका अनुसार छापावाल सुन प्रतितोला १ लाख ३७ हजार २०० रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोला १ लाख ३६ हजार ५५० रुपैयाँ कायम भएको छ ।

महासंघका अनुसार आज चाँदीको मूल्य प्रतितोला १५ रुपैयाँले घटेर १६ सय ५० रुपैयाँमा किनबेच भइरहेको छ । सोमबार चाँदी प्रतितोला १६ सय ६५ रुपैयाँमा कारोबार भएको थियो ।

अन्तर्राष्ट्रिय बजारमा आज सुन प्रतिऔंस २ हजार ३२८ डलरमा र चाँदी प्रतिऔंस २६.८८ डलरमा कारोबार भइरहेको छ ।