एकैदिन २७ सयले घट्यो सुनको मूल्य, तोलाको कति ?

काठमाडौँ । नेपाली बजारमा आज सुनको मूल्य ह्वात्तै घटेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला २७ सय रुपैयाँले घटेर १ लाख ३४ हजार ५०० रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोला १ लाख ३३ हजार ८५० रुपैयाँ काम भएको छ ।

महासंघका अनुसार आज चाँदीको मूल्य पनि प्रतितोला २० रुपैयाँले घटेर १६ सय ३० रुपैयाँमा किनबेच भइरहेको छ । मंगलबार चाँदी प्रतितोला १६ सय ५० रुपैयाँमा कारोबार भएको थियो ।

अन्तर्राष्ट्रिय बजारमा आज सुन प्रतिऔंस २ हजार २८४.३२ डलर र चाँदी प्रतिऔंस २६.३९ डलरमा कारोबार भइरहेको छ ।