एकैदिन २३ सय रुपैयाँले बढ्यो सुनको मूल्य

काठमाडौं । नेपाली बजारमा आज सुनको मूल्य ह्वात्तै बढेको छ ।

नेपाल सुनचँदी व्यवसायी महासंघका अनुसार आज छापावाल सुन प्रतितोला २३ सय रुपैयाँले बढेर १ लाख ३७ हजार ९०० रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोला एक लाख ३७ हजार २५० रुपैयाँ कायम भएको छ ।

महासंघका अनुसार आज चाँदीको मूल्य पनि तोलामा ५० रुपैयाँले बढेर १७ सय ३५ रुपैयाँमा किनबेच भइरहेको छ । बिहीबार चाँदी प्रतितोला १६ सय ८५ रुपैयाँमा कारोबार भएको थियो ।