सुनको मूल्यमा नयाँ रेकर्ड, तोलाकै १ लाख ४० हजार

काठमाडौं । नेपाली बजारमा आज सुनचाँदीको मूल्यले नयाँ रेकर्ड कायम गरेको छ ।

नेपाल सुनचाँदी व्यवसायी महासंघका अनुसार बिहीबार छापावाल सुन प्रतितोला १६ सय रुपैयाँले बढेर १ लाख ४० हजार रुपैयाँमा कारोबार भइरहेको छ । त्यस्तै, तेजावी सुन प्रतितोला १ लाख ३९ हजार ३०० रुपैयाँ कायम भएको छ ।

आज चाँदीको मूल्यले पनि नयाँ रेकर्ड कायम गरेको छ । चाँदी प्रतितोला ५५ रुपैयाँले बढेर १८ सय ५ रुपैयाँमा किनबेच भइरहेको छ ।

सुनचाँदीको यो मूल्य हालसम्मकै उच्च हो ।