सुनको मूल्य हालसम्मकै उच्च, तोलाकै एक लाख ४० हजार नौ सय

काठमाडौं । नेपाली बजारमा आज सुनको मूल्यले नयाँ रेकर्ड कायम गरेको छ ।

नेपाल सुनचाँदी व्यवसायी महासंघका अनुसार आइतबार छापावाल सुनको प्रतितोला १६ सय रुपैयाँले बढेर १ लाख ४० हजार ९०० रुपैयाँमा कारोबार भइरेको छ । त्यस्तै, तेजावी सुनको मूल्य प्रतितोला १ लाख ४० हजार २०० रुपैयाँ कायम भएको छ ।

आज चाँदीको मूल्य पनि प्रतितोला ११० रुपैयाँले बढेर १९ सय १० रुपैयाँमा किनबेभ भइरहेको महासंघले जनाएको छ । यो हालसम्मकै उच्च मूल्य हो । यसअघि शुक्रबार चाँदीको भाउ प्रतितोला १८ सय रुपैयाँ कायम रहेको थियो ।