प्रतितोला एक हजार दुई सयले घट्यो सुनको मूल्य

काठमाडौँ । नेपाली बजारमा आज सुनको मूल्य घटेको छ ।

नेपाल सुनचाँदी व्यवसायी महासंघका अनुसार आज छापावाला सुन प्रतितोला एक हजार दुई सय रुपैयाँले घटेर एक लाख ४० हजार छ सय रुपैयाँमा कारोबार भइरहेको छ । त्यस्तै, आज तेजावी सुन प्रतितोला एक लाख ३९ हजार नौ सय रुपैयाँ कायम भएको छ ।

आज चाँदीको मूल्य पनि तोलामा ५५ रुपैयाँले घटेको छ । सोमबार प्रतितोला एक हजार नौ सय ४० मा कारोबार भएकामा आज चाँदीको एक हजार आठ सय ८५ रुपैयाँमा किनबेच भइरहेको छ ।