एकैदिन २३ सय रुपैयाँले बढ्यो सुनको मूल्य

काठमाडौँ । नेपाली बजारमा आज सुनको मूल्य २३ सय रुपैयाँले बढेको छ ।

नेपाल सुनचाँदी व्यवसायी महासंघका अनुसार बिहीबार छापावाल सुन प्रतितोला २३ सय रुपैयाँले बढेर १ लाख ४० हजार ५०० रुपैयाँमा कारोबार भइहरेको छ । त्यस्तै, जावी सुनको मूल्य प्रतितोला एक लाख ३९ हजार ८०० रुपैयाँ कायम भएको छ ।

महासंघका अनुसार आज चाँदीको मूल्य भने तोलामा ३० रुपैयाँले घटेर १९ सय रुपैयाँ कायम भएको छ । बुधबार चाँदीको भाउ प्रतितोला १९ सय ३० रुपैयाँमा किनबेच भएको थियो ।