सुनको मूल्य हालसम्मकै उच्च, तोलाकै १ लाख ४५ हजार

काठमाडौँ । नेपाली बजारमा आज सुनको मूल्यमा नयाँ रेकर्ड कायम भएको छ ।

नेपाल सुनचाँदी व्यवसायी महासंघका अनुसार शुक्रबार छापावाल सुनको प्रतितोला १ हजार रुपैयाँले बढेर १ लाख ४५ हजार रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोला १ लाख ४४ हजार ३०० रुपैयाँ कायम भएको छ ।

महासंघका अनुसार आज चाँदीको मूल्य पनि प्रतितोला ५० रुपैयाँले बढेर १९ सय रुपैयाँमा किनबेच भइरहेको छ ।

अन्तर्राष्ट्रिय बजारमा आज सुन प्रतिऔंस २ हजार ३८५.९१ डलर र चाँदी प्रतिऔंस ३१.५१ डलरमा कारोबार भइरहेको छ ।