तोलाकै १ लाख ५३ हजार २०० पुग्यो सुनको मूल्य

काठमाडौं । नेपाली बजारमा सुनको मूल्यले नयाँ रेकर्ड कायम गरेको छ ।

नेपाल सुनचाँदी व्यवसायी महासंघका अनुसार बिहीबार छापावाल सुनको प्रतितोला १०० रुपैयाँले बढेर १ लाख ५३ हजार २०० रुपैयाँमा कारोबार भइरहेको छ । बुधबार छापावाल सुन प्रतितोला १ लाख ५३ हजार १०० रुपैयाँमा कारोबार भएको थियो ।

आज चाँदीको मूल्य भने तोलामा २५ रुपैयाँले घटेर १८ सय ३० रुपैयाँ कायम भएको छ । बुधबार चाँदी प्रतितोला १८ सय ५५ रुपैयाँमा किनबेच भएको थियो ।