काठमाडौं । शिवम् सिमेन्ट्स लिमिटेडले चालु आर्थिक वर्षको तेस्रो त्रैमाससम्म ४० करोड ५ लाख रुपैयाँ खुद नाफा कमाएको छ ।
गत वर्षको यसै वधिको तुलनामा कम्पनीको नाफा ९६.०८ प्रतिशतले धेरै हो । गत वर्ष कम्पनीले २० करोड ४२ लाख रुपैयाँ नाफा कमाएको थियो ।
कम्पनीको सञ्चालन आम्दानी १०.०१ प्रतिशतले घटेर ५ अर्ब ३९ करोड रुपैयाँमा आएको छ । अन्य आम्दानी पनि २७.१० प्रतिशत घटेर १२ करोड ६४ लाख रुपैयाँमा सीमित भएको छ । बिक्री लागत १६।०६ प्रतिशतले घटाएको छ भने बिक्री तथा वितरण खर्च ९.०४ प्रतिशतले घटाएको छ ।
कम्पनीको चुक्ता पुँजी ५ अर्ब ४५ करोड ६८ लाख रुपैयाँ र जगेडा कोषमा ३ अर्ब ४६ करोड रुपैयाँ रहेको छ । यसको सेयर प्रिमियममा ९५ करोड ६२ लाख रुपैयाँ रहेको छ ।
प्रतिसेयर आम्दानी ४.३७ रुपैयाँले बढेर ९.७९ रुपैयाँ पुगको छ । प्रतिसेयर नेटवर्थ भने १८१.१० रुपैयाँ रहेको छ ।
प्रतिक्रिया