सेयर बजारमा हरियाली, साढे १० अर्बको कारोबार

काठमाडौँ । बुधबार सेयर बजार परिसूचक नेप्से ३३.२७ अंकले बढेर दुई हजार ८६६.८७ विन्दुमा पुगेको छ ।





बैंकिङ १९, विकास बैंक ९१ , फाइनान्स ३०, होटल तथा पर्यटन २५१, हाइड्रोपावर ८६, जीवन बीमा ६०, उत्पादन १३, माइक्रोफाइनान्स ३१, निर्जीवन बीमा ४४, अन्य २ र व्यापार उपसमूह ८८ अंकले बढेको छ ।

आज पाल्पा सिमेन्ट, होटल फरेस्ट इन, रिजलाइन इनर्जी, सूर्यकुन्ड हाइड्रो इलेक्ट्रिक, सुपर खुदी हाइड्रोपावर, शिखर पावर र सिन्धु विकास बैंकको सेयर १० प्रतिशतले बढेको छ । समग्रमा बजार बढेपनि आज रिलायन्स स्पिनिङ मिल्सको सयर ५.६१ प्रतिशतले घटेको छ ।

यस दिन ३४४ कम्पनीको दुई करोड ६४ लाख कित्ता सेयर १० अर्ब ५३ करोडमा कारोबार भएको छ ।