काठमाडौं । व्यवसायीलाई मन्त्री बनाउन हुन्छ कि हुँदैन भन्ने चर्चा चलिरहेका बेला प्रतिनिधिसभामा यससम्बन्धी कानुन बनाएर विवाद निरुपण गर्नुपर्ने आवाज एक सांसदले उठाएका छन् ।
नेपाली कांग्रेसका सांसद दिव्यमणि राजभण्डारीले व्यवसायीलाई मन्त्री बनाउने विषयमा कानुन आवश्यक रहेको बताएका हुन् ।
प्रतिनिधिसभा बैठकमा सांसद राजभण्डारीले भने, “कानुनमन्त्री यहिँ हुनुहुन्छ, मन्त्री बनाउन मिल्ने नमिल्ने बारे सरकारले कानुन बनाओस्, यही सदनमा छलफल गरौं ।”
सांसद राजभण्डारी आफैं पनि व्यावसायिक पृष्ठभूमिका हुन् । तर, प्रतिनिधिसभा सदस्य निर्वाचित भएलगत्तै उनले व्यवसायबाट अलग भएको घोषणा गरिसकेका छन् ।
मन्त्री नियुक्तिमा व्यावसायिक स्वार्थ जोडिन थालेको भन्दै पछिल्लो समय स्वास्थ्य राज्यमन्त्रीमा उमेश श्रेष्ठको नियुक्तिलाई लिएर टिकाटिप्पणी भइरहेका छन् ।
प्रतिक्रिया