काठमाडौ । कुमारी बैंक लिमिटेडले लाभांशको घोषणा गरेको छ । बैंकले ८.६७ प्रतिशत लाभांश वितरण गर्ने भएको छ ।
बैंकले गत आर्थिक वर्षको मुनाफा बाट चुक्ता पूँजीको ६ प्रतिशत बोनस शेयर र कर प्रयोजनसहित २.६७ प्रतिशत नगद लाभांश गरी कुल ८.६७ प्रतिशत लाभांश वितरण गर्ने घोषणा गरेको हो ।
सञ्चालक समितिको असोज ११ गते बसेको बैठकले सो निर्णय गरेको हो ।
यो लाभांश नेपाल राष्ट्र बैंकबाट स्वीकृत भई आगामी वार्षिक साधारण सभाले पारित गरेपछि वितरण गरिनेछ।
हाल उक्त बैंकको चुक्ता पूँजी १३ अर्ब ८७ करोड ८४ लाख ७४ हजार ८ सय ३६ रुपैयाँ रहेको छ। ६ प्रतिशतका दरले ८३ करोड २७ लाख ८ हजार ४ सय ९० रुपैयाँ बराबरको बोनस शेयर वितरणपश्चात बैंकको चुक्ता पूँजी १४ अर्ब ७१ करोड ११ लाख ८३ हजार ३ सय २६ रुपैयाँ पुग्नेछ।
प्रतिक्रिया