काठमाडौं । काठमाडौँ महानगरपालिका वडा नं ३० का वडा सदस्य निरजराज सत्यालको निधन भएको छ ।
विसं २०७४ को स्थानीय तहको निर्वाचनमा काठमाडौँ महानगरपालिका वडा नं ३० को वडा सदस्यमा निर्वाचित सत्यालको आइतबार राति ९ बजे निधन भएको हो । उनी लामो समयदेखि क्यान्सर रोगबाट पीडित थिए ।
सत्यालले भक्तपुर क्यान्सर अस्पतालमा उपचार गराउँदै आएका थिए ।
नेपाली कांग्रेसको भातृ संस्था नेपाल विद्यार्थी सङ्घबाट आफ्नो राजनीति अगाडि बढाएका सत्याल त्रिचन्द्र क्याम्पसको स्ववियु पदाधिकारी भएका थिए। उनी काठमाडौँ क्षेत्र नं ४ को पूर्वक्षेत्रीय सदस्यसमेत थिए ।
स्वर्गीय सत्यालको गए राति नै पशुपति आर्यघाटमा दाहसंस्कार गरिएको छ ।
प्रतिक्रिया