देउवाको गृह जिल्लामा कांग्रेसले उठायो २९ वर्षिय युवा मेयर

कांग्रेसले डडेल्धुराको परशुराम नगरपालिकाको मेयर पदमा युवा नेता भरत बडायर जोशीलाई उम्मेदवारमा मनोनयन गरेको छ ।

कांग्रेसले बेइजिङको चाइनिज एकेडेमी अफ साइन्स विश्वविद्यालयबाट वायुमण्डल भौतिकशास्त्रमा स्नातकोत्तर गरेका, २९ बर्षिय युवालाई मेयरमा उठाएको हो । जोशी परशुराम नगरपालिकाका नगर सभापति समेत हुन् । सन् २०१५ मा नेपालमा गएको भूकम्पपछि उनी एक वर्ष नेपाल युवा संस्था संजाल नेपाल (आयोन)मा उद्धार तथा राहतका कार्य समेत सामेल भएका थिए । उनले सन् २०१६ देखि २०१८ सम्म नेपाल युवा संस्था संजाल (आयोन)को महासचिवको रुपमा सिंगो नेपालीयुवाहरुको नेतृत्व समेत गरेका थिए ।

उनले कोभिड–१९ को पहिलो लहरमा सुदूर पश्चिममा रहेका दिर्घरोगी तथा वृद्धवृद्धाहरूका लागि निःशुल्क औषधि वितरण र आइसोलेसन सेन्टरहरुको व्यवस्थापन गरेका थिए ।