आईजीपी नियुक्तिविरुद्ध एआईजी पोखरेलले दायर गरेको रिट सर्वोच्चद्वारा खारेज

सर्वोच्च अदालतले अतिरिक्त महानिरीक्षक (एआईजी) विश्वराज पोखरेलले दायर गरेको रिट खारेज गरेको छ ।

प्रहरी महानिरीक्षक (आईजीपी) मा सरकारले आफूभन्दा जुनियर धिरजप्रताप सिंहलाई नियुक्त गरेको भन्दै मन्त्रिपरिषद्को निर्णयविरुद्ध सर्वोच्च अदालतमा पोखरेलले दायर गरेको रिट खारेज भएको हो ।

शुक्रबार कामु प्रधानन्यायाधीश दीपककुमार कार्की र न्यायाधीश कुमार चुडालको इजलासले एआईजी पोखरेलले दायर गरेको रिट खारेज गरेको हो ।

इजालसले सिंहलाई आईजीपी नियुक्त गर्ने सरकारको निर्णय कानुनसम्मत भएको ठहर गर्दे रिट खारेज गरेको हो ।