सन्दीपलाई थप ७ दिन हिरासतमा राख्न अदालतको अनुमति

बलात्कार आरोपमा पक्राउ परेका नेपाली क्रिकेटका पूर्व कप्तान सन्दीप लामिछानेलाई थप सात दिन हिरासतमा राख्न जिल्ला अदालत काठमाडौंले अनुमति दिएको छ ।

गत बिहिबार पक्राउ परेका लामिछानेलाई अनुसन्धानका लागि म्याद थप गर्न प्रहरीले सोमबार बिहान काठमाडौं जिल्ला अदालतमा उपस्थित गराएको थियो ।

लामिछानेविरुद्ध गत भदौ २१ गते एक नाबालिकाले काठमाडौं प्रहरी वृत्त गौशालामा जबरजस्ती करणीको मुद्दा जाहेर गरेकी थिइन् । उनीविरुद्ध मुलुकी अपराधसंहिता २०७४ को दफा २१९ अनुसार अनुसन्धान भइरहेको छ ।