सन्दीप लामिछानेलाई पुर्पक्षका लागि कारागार पठाउन आदेश

नाबालिग बलात्कार अभियोग लागेका क्रिकेटर सन्दीप लामिछानेलाई काठमाडौं जिल्ला अदालतले पुर्पक्षका लागि कारागार चलान गर्न आदेश दिएको छ ।

काठमाडौं जिल्ला अदालतमा न्यायाधीश माधवप्रसाद घिमिरेको इजलासले उनलाई पुर्पक्षको लागि थुनामा पठाउन आदेश दिएको हो । आज वरिष्ठ अधिवक्ता रमण श्रेष्ठ, कृष्ण सापकोटा, सविता भण्डारी, लभ मैनालीलगायतले लामिछानेको पक्षबाट बहस गरेका थिए । यस्तै, सरकारी वकिल कृष्णा भण्डारीले जवाफी बहस गरेकी थिइन्।

जिल्ला सरकारी वकिलको कार्यालय काठमाडौंले सोमबार लामिछानेविरुद्ध १० देखि १२ वर्ष सम्म कैद र क्षतिपूर्ति भराउन मागदाबी गर्दै अदालतमा मुद्दा दायर गरेको थियो ।

लामिछानेविरुद्ध भदौ २१ मा प्रहरी वृत्त गौशालामा जाहेरी परेको थियो ।