तोलामा पाँच सयले बढ्यो सुनको मूल्य

शुक्रबार नेपाली बजारमा सुनको मूल्य बढेको छ ।

नेपाल सुनचाँदी व्यवसायी महासंघका अनुसार आज सुन प्रतितोला पाँच सय रुपैयाँले बढेर १ लाख १ हजार ४ सय रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोला १ लाख ९ सय रुपैयाँ कायम भएको छ ।

महासंघका अनुसार आज चाँदीको मूल्य पनि प्रतितोला १५ रुपैयाँले बढेको छ । बिहीबार प्रतितोला १३ सय ८० रुपैयाँमा कारोबार भएको चाँदी आज १५ रुपैयाँले बढेसँगै १३ सय ९५ रुपैयाँमा कारोबार भइरहेको छ ।