सरकारबाट बाहिरियो रास्वपा, मन्त्रीहरुले आजै राजीनामा दिने

राष्ट्रिय स्वतन्त्र पार्टीले सरकारबाट बाहिरिने निर्णय गरेको छ।

आइतबार पार्टी कार्यालय बसुन्धरामा बसेको रास्वपा केन्द्रीय समिति र संसदीय दलको बैठकले सरकारबाट बाहिरिने निर्णय गरेको हो ।

सत्तारूढ गठबन्धनमा यसअघि भएको सहमतिअनुसार गृह मन्त्रालय नदिएपछि रास्वपाले सरकार छोड्ने निर्णय गरेको हो । यस्तै, रास्वपाले सरकारलाई दिएको समर्थन भने हाललाई कायम राख्ने भएको छ ।

बैठकले भाडबन्डामा परेको अन्य मन्त्रालयका मन्त्रीहरुलाई पनि फिर्ता बोलाउने निर्णय गरेको छ । रास्वपाबाट शिशिर खनाल शिक्षा मन्त्री, डोलप्रसाद अर्याल श्रम मन्त्री र डाक्टर तोसिमा कार्की स्वास्थ्य राज्यमन्त्री बनेका थिए । उनीहरूले आज नै प्रधानमन्त्री पुष्पकमल दाहाल प्रचण्ड समक्ष राजीनामा दिने बताइएको छ ।