आइएमई पे र चन्द्रागिरि हिल्सवीच सम्झौता भएको छ । प्रणय दिवसको अवसर पारेर गरिएको सो सम्झौतामा फील द एयर नामक अफर सार्वजनिक भएको छ । सो अफर अनुसार आइएमई पे वालेट एप प्रयोगकर्ताले चन्द्रागिरि केबलकारको टिकट काट्दा चन्द्रागिरिमा रहेको विभिन्न राइड्सहरुमा छुट प्राप्त गर्न सक्नेछन् ।
सीमित समयको लागि मात्र लागु भएको यस अफरमार्फत प्रयोगकर्ताहरुले जिप लाइनिङमा १५ प्रतिशत, स्विङ्स र वाल क्लाइम्बिङ प्रत्येकमा ५० प्रतिशत छुट प्राप्त गर्न सक्नेछन् । यस्तै, हरेक दिन १ भाग्यशाली विजेताले चन्द्रागिरि केबलकारको निः शुल्क इभिनिङ् (साँझ मात्र लागु हुने) टिकट जित्ने मौका पनि पाउनेछन् । सो टिकट वितरण गरिएको दिनदेखि एक हप्तासम्म मात्र मान्य हुनेछ ।
साथै, यी दुई कम्पनीवीच प्रणय दिवसको अवसर पारी अर्को अफर पनि सार्वजनिक भएको छ । माघ २८ (फेब्रुअरी ११) देखि फाल्गुन १ (फेब्रुअरी १३) सम्म आइएमई पे एपबाट चन्द्रागिरि केबलकारको टिकट काट्ने ५ भाग्यशाली विजेताहरुले प्रणय दिवसको दिन चन्द्रागिरिमा रोमान्टिक कपल डिनर जित्ने मौका पाउनेछन् । सो अफरको विजेताहरुको घोषणा एवम् सम्पूर्ण जानकारी आइएमई पेको सामाजिक सन्जालमार्फत हुनेछ ।
प्रतिक्रिया